買飯團的奇遇 (上集)
是咁的，我前幾日就落咗便利店，諗住買飯團當lunch食
排隊俾錢個陣，我就好專業咁玩電話，業餘低頭族的確唔簡單，完全無為意路面情況...
原來前面個靚女仲喺度搵緊佢張八達通，我就唔覺意地將我個飯團放咗上收銀枱(然後繼續玩電話)，收銀姐姐又唔知點解誤會我哋係一伙的，將我個飯團都『嘟』埋...
說時遲那時快，靚女姐姐終於都搵到佢張八達通，又一嘢『嘟』埋去俾錢，我叫都叫唔切... 然後虛弱地大叫一句：唔係呀! 我哋唔係一齊㗎!!
呢個時候，我、靚女姐姐、收銀姐姐三人互望，完全擠唔到一粒字出嚟
為咗劃破寧靜，我：errrr...我得八達通...俾唔到cash你...
靚女姐姐輕輕放下一句：唔緊要啦
再加微笑一個，然後頭都無回地走出便利店
或者我會問，點解靚女姐姐要放棄呢段難得嘅姻緣
唔知，可能呢一刻，佢係浪子
BTW, 張相係唔關事的
只想提提大家，去完寨卡病毒持續傳播的地區(受影響地區)返嚟香港之後，要過一個月先可以去捐血㗎~
Search